როგორც ხშირად ავღნიშნავთ, ნებისმიერი წარმატებული ონლაინ-ბიზნესის ქვაკუთხედი მომხმარებლების მიმართ სწორი მიდგომების შერჩევაა. რომელ ინდუსტრიაშიც არ უნდა იყოთ ყველა ბიზნესის ზრდა და განვითარება ლაკონურად ამით შეგვიძლია ავხსნათ.
რასაკვირველია, არსებობს სხვადასხვა მითითებები იმაზე თუ როგორ უნდა მივიზიდოთ უფრო ფართომასშტაბიანი აუდიტორია. თუმცა, არანაკლებ მნიშვნელოვანია თუ როგორ მივუდგებით აუდიტორიის იმ სეგმენტებს რომლებიც უკვე ჩვენი მომხმარებლები არიან.
მარკეტინგს ჩვენი გუნდი უყურებს როგორც ხელსაწყოს რომელიც სამომავლოდ დამატებით საშუალებებს მოგვცემს რომ უკეთესი სერვისები შევთავაზოთ უფრო მეტ ხალხს. ანუ ნებისმიერი სტრატეგია ამ სფეროში უნდა იყოს ისევ იმ ადამიანებზე მორგებული რომლებიც თქვენ ბიზნესთან დაიჭერენ კავშირს.
ერთგული მომხმარებლები
იმ ინდივიდებთან რომლებიც განსაკუთრებულ ყურადღებას იჩენენ თქვენი ორგანიზაციის მიმართ ზოგადად შეეცადეთ დაიჭიროთ ახლო პროფესიული ურთიერთობები. აქციები, ფასდაკლებები, მათი მესიჯების და პროექტების პრიორიტიზირება, ა.შ. კარგი გზებია რომ თქვენც გამოიჩინოთ თქვენი თბილი დამოკიდებულება მათ მიმართ.
პირველ რიგში, აუცილებელია არ შეხედოთ თქვენ მომხმარებლებს როგორც უბრალოდ ბიზნესისთვის საჭირო ყულაბებს. შეხედეთ მათთან ურთიერთობებს როგორც საინტერესო და სასიამოვნო პროფესიულ გამოცდილებებს და თქვენი მარკეტინგული კამპანიებიც უფრო დამაინტრიგებელი გახდება.
ამასთანავე, განსაკუთრებით ზოგიერთ ბიზნესში, მათგან უკუკავშირის მიღება დაგეხმარებათ ახალი კამპანიების, აქციების ან იდეების გაუმჯობესებაში. გასათვალისწინებელია ისიც, რომ ერთგული მომხმარებლები, როგორც წესი, უფრო ხშირად პასუხობენ კითხვარებს.
Linkers-ის საშუალებით შეგიძლიათ pixel-ებიც განაცალკევოთ აუდიტორიის ის სეგმენტები რომლებიც, ვთქვათ, თქვენს ბლოგ პოსტებს კითხულობენ. ეს შესაძლებელია ბლოგში რამდენიმე ლინკის დართვით; როგორც კი მომხმარებელი გადავა ამ ლინკზე ის გარკვეულ სიაში შევა. ამ სიას კი შეგიძლიათ კონკრეტული პოსტები დაურეკლამოთ, მათ შორის კითხვარები. რადგან, ამგვარი ტიპის ინფორმაციის მიღება და გადამუშავება ონლაინ-ბიზნესის წარმატების საყურადღებო კომპონენტია, ჯობს მსგავსი მექანიზმები წინასწარ მომართული გქონდეთ.
თუ ეს ფაქტორები დამაჯერებელი არაა, მაშინ მიაქციეთ ყურადღება იმასაც რომ თუ ბიზნესი საკმაოდ მსხვილმასშტაბიანია, ერთგული მომხმარებლები ბიზნეს პარტნიორებიც ხდებიან ხშირ შემთხვევაში. რადგან ადამიანებს არ სურთ ყოველ ასპეტქში მუდმივად კომპანიების შეფასების პროცესში იყვნენ, ისინი ირჩევენ ნაცნობ, შედარებით სანდო ან დიდი სახელის მქონე ბრენდებს.
შესაბამისად, თუ თქვენ გაამახვილებთ მათზე ყურადღებას წლების განვმალობაში ამით თქვენ ონლაინ ბიზნეს როგორც ერთგვარ ფუნდამენტს უქმნით ასევე უხსნით დამატებით გზებს განვითარების კუთხით.
უკეთესი და უარესი მიდგომები
ხაზგასასმელია ის ფაქტი რომ მნიშნელოვანია ასეთ ურთიერთობებს არ მიუდგეთ როგორც მოკლევადიანებს. რასაკვირველია, ხანდახან არ ამართლებს კონკრეტული მომხმარებლების მიმართ დამატებითი ყურადღების გამოჩენა, თუმცა ეს არ ნიშნავს რომ პროფესიული ნდობა პატარ-პატარა აქციებით ხდება ხელმისაწვდომი.
პირიქით, სტრატეგიული მიდგომები რომლებიც ორიენტირებულები არიან საკუთარი ღირებულებების გონივრულად გაზიარებაზე მეტი ეფექტურობითაც გამოირჩევიან.
ეს არცაა გასაკვირი - რომელი ორგანიზაცია გამოჩნდებოდა შედარებით მიმზიდველი ის რომელიც ფასდაკლებებს და აქციებს ხშირად გთავაზობთ თუ რომელიც იზიარებს თქვენ აზრებს, იდეებს, შთაბეჭდილებებს.
ხშირად, მომხმარებლები პირიქით მზად არიან რომ მეტი თანხა დათმონ ისეთი კომპანიებისთვის რომლებიც მათთვის ან იდეოლოგიურად, ან ესთეტიურად არიან მიმზიდველები.
ამის გამო, შეგიძლიათ თქვენს აპლიკაციაში ან საიტზე რეფერალების სისტემის სამომავლოდ ჩაშენებაზე იფიქროთ. ზოგიერთი ორგანიზაცია გამოირჩევა შედარებით უკეთესი სერვისებით თუმცა მომხმარებლებს არ სთავაზობენ ხელსაწყოებს რომ ისინიც დაეხმარონ ორგანიზაციას.
რომ შევაჯამოთ, კომპანიისთვისთვის ქვაკუთხედათ უნდა იქცეს მომხმარებელზე ორიენტირებული მიდგომები, იმისათვის რომ სამომავლოდ არსებობდეს ერთგული მომხმარებლების ბაზის შექმნის რეალური პერსპექტივები.
